Presentado o programa "Mes do libros" da Biblioteca Municipal que comeza maña con Tusitala contacontos ás 18,00 h.

Toda a actualidade de Tui


No decurso dunha rolda de prensa realizada esta maña polo concelleiro de cultura tudense, Moisés Rodríguez Pérez, acompañado polo técnico da Biblioteca, Rafael Sánchez Bargiela, foi presentado o programa de actividades a desenvolver pola Biblioteca Pública Municipal de Tui ao longo dos meses de abril e maio baixo o suxestivo titulo de "Mes do libros", que se desenvolve en colaboración co programa "Letras Vivas" da Consellería de Cultura e Deporte da Xunta de Galicia.

O programa comeza mañá 2 de abril, Día Internacional do Libro Infantil e Xuventil -en lembranza da data de nacemento de Hans Cristian Andersen- cunha actividade dirixida aos cativos a cargo de Tusitala contacontos, denominada "Os contos da Vía Láctea". Este espectáculo será ás 18,00 horas.

Entre os obxectivos que se marca a Concellería para este centro bibliotecario está o incremento de usuarios e especialmente do préstamo de libros.

Para acadar o primeiro obxectivo na programación presentada hoxe abordase por vez primeira actividades para adultos e para mozos. Así o 22 de abril haberá unha sesión de contacontos para adultos a cargo da actriz Charo Pita, titulada "Mulleres de palabra". En canto aos mozos a principios de maio será creada unha pequena sección de cómics na Biblioteca e para lanzar esta sección haberá unha actividade denominada "Obradoiro Express de banda deseñada" a cargo do ilustrador Gochi o vindeiro 8 de maio.

Igualmente seguiras as actividades de animación á lectura dirixidas aos nenos e nenas:

- 23 de abril, día do libro, lectura de capítulos do Quijote por xentes da vida social tudense

- 24 de abril, Ulalume contacontos co espectáculo "O libro dos libros"

- 14 de maio: Pavís Pavós, co seu contacontos "Había unha vez..."

Por outra banda, a Biblioteca prepara para o mes de maio unha exposición que baixo o nome de "Tui escrébese en versos" amosará unha escolma de poemas dedicado a Tui por diversos autores en lingua galega e castelán que iran acompañadas por imaxes da nosa cidade.

En relación ao segundo obxectivo, incrementar o número de prestamos, o Concello en colaboración coa Consellería de Cultura e Deporte e o Ministerio de Cultura, está facendo un esforzo para mellorar e actualizar os fondos bibliográficos. Así no primeiro trimestre de 2009 foron incorporados 580 novos titulos (418 para adultos e 162 para nenos) superando a colección da biblioteca os 27.000 rexistros. E así nestes tres primeiros meses do ano foron emprestados un total de 1.153 libros (563 de adultos e 590 infantís) que resultan escasos para o fondo que posúe a Biblioteca Municipal. Sinalou tamén o concelleiro como a Biblioteca ten 904 persoas inscritas no servizo de acceso a Internet, delas 93 inscritas neste primeiro trimestre. Neste sentido lembrou que o catálogo da Biblioteca está accesible en Internet na páxina da Rede de Bibliotecas de Galicia (www.rebgalicia.org) e agardamos que axiña a Biblioteca posúa súa propia paxina web.

Fonte: Concello de Tui
Artigo orixinal: http://www.concellotui.org/php/noticias.php?id=449

Curso de iniciación á lingua árabe para os mozos

Toda a actualidade de Tui

A Casa dá Xuventude de Tui presentou onte as novas propostas de lecer e formación no seu calendario.

Entre elas, un curso de achegamento á lingua e cultura árabes destinado a mozas con idades comprendidas entre os 16 e os 35 anos. Terá unha duración de trinta horas e as clases impartiranse os luns e venres en horario de 18.00 a 20.00 horas. O curso comezará en 27 de abril e prolongarase ata o 22 de xuño.

As alternativas pasan tamén por un curso de hip hop que xa comezou o catro de febreiro pero para o que aínda hai prazas, impartido por Vladimir Stoujinski. A actividade está destinada a mozas de 12 a 16 anos e as clases son os mércores de 16 a 17.00 horas. A oferta complétase cun terceiro curso de iniciación á fotografía dixital.

Fonte: La voz de Galicia
Artigo orixinal: http://www.lavozdegalicia.es/vigo/2009/04/02/0003_7629284.htm?idioma=galego

http://www.lavozdegalicia.es/vigo/2009/04/02/0003_7629284.htm (edición en castelán)

Tres cursos na programación da Casa da Xuventude en Tui

Toda a actualidade de Tui

A casa da Xunventude de Tui ten programas actividades como un curso de Hip-hop, iniciación a lingua árabe, fotografía dixital durante os meses de abril a xuño deste ano. Ademais do certame de fotografía 'Viaxando' en colabnoración


CURSO DE HIP HOP

Desde o 4 de febreiro ata o mes de xuño. Celébrase os mércores de 16.00 a 17.00. Dirixida a mocidade de 12 a 16 anos. Impartido por Vladimir Stoujinski



CURSO DE INICIACION A LINGUA ARABE

Curso de achegamento á lingua e culturas árabes. Ten unha duración de 30 horas que se desenvolverán entre o 27 de abril e o 22 de xuño. Terá lugar os luns e venres de 18.00 a 20.00 horas.
Dirixido a mozos de entre 16 a 35 anos.



CURSO DE INICIACION A FOTOGRAFIA DIXITAL

O curso terá os seguintes contidos: Vantaxes da fotografía dixital, funcionamento da cámara dixital. Sensores. Resolución.Tarxetas de almacenamento, nocións básicas de fotografía: diafragma, obturador, profundidade de campo, etc., iluminación básica, visión e composición, prácticas. Saídas á rúa, retoque dixital (Photoshop)

Terá unha duración de 20 horas que se celebrarán entre o 22 de abril e o 24 de xuño, os mércores en horario de 19.00 a 21.00 horas. Dirixido a mozos de entre 15 e 35 anos.




Máis información e inscrición na Casa da Xuventude de Tui. Telf: 986600568. informacionxuventude@yahoo.es


Poderán participar nas actividades os maiores de 35 anos no caso de quedar prazas libres

Certame de fotografía 'Viaxando'

Organizan: as oficinas municipais de información xuvenil de Tomiño, Salceda de Caselas, A Guarda, O Rosal, O Porriño, Gondomar, Baiona e casa da xuventude de Tui

- Poderán participar mozos e mozas de entre 12 e 35 anos.

- A temática responderá ao título do Certame VIAXANDO.

- As fotografías poden ser en branco e negro ou cor, presentaranse en papel fotográfico cun tamaño de 18 a 20x24 a 25 e pegadas sobre unha cartolina negra de tamaño DIN A4.

- Cada participante pode presentar unha única fotografía que terá que ser orixinal e inédita.

- A fotografía entregarase en sobre pechado coa indicación VIAXANDO no exterior da mesma. Cada fotografía levará no dorso o pseudónimo do autor/a e, de ser o caso, o título da dita fotografía. Acompañaranse con outro sobre pechado no que figurará novamente o pseudónimo do autor/a recollendo no interior o nome e apelidos, enderezo, teléfono e fotocopia do DNI.

- As fotos poderán presentarse nas instalacións de calquera das entidades organizadoras ata o mércores 30 de setembro de 2009.

- Con todas as fotografías presentadas realizarase unha exposición itinerante que percorrerá os concellos organizadores, inaugu´randose oficialmente na OMIX de Tomiño o venres 16 de outubro de 2009 ás 20 horas.

- O xurado estará integrado por membros da organización ou persoas nas que deleguen.

- O fallo do xurado farase público o 9 de outubro de 2009. Difundirase o fallo nos medios de comunicación así como por teléfono á persoa premiada.

- O xurado poderá declarar deserto o premio.

- Concederase un único premio consistente nunha CÁMARA DIXITAL.

- A participación no Certame implica a aceptación das bases e das decisións adoptadas polo xurado.

Fonte: VM
Artigo orixinal: http://www.vigometropolitano.com/news/176/ARTICLE/15281/2009-04-01.html